10 ий утла ончыч Вероника «У муро» эстрада ансамбль дене сценыш икымше гана лектын ыле. «Рошто», «Ачамлан» мурыжо-влакым тачат «Шўмсем пєлекыште» кокланже колтат. Но пытартыш ийлаште йўкшє шагалрак солныш. Йошкар-Олаште V самодеятельный муро фестивальыште лауреат лўмым се‰ен налын ыле, «Шўмсем пєлек» телепередачын 10 ияш лўмгече концертыштыже мурым йо‰галтарыш да - чыла.
Шукыштлан пале: тудын мурыжо тыглай сем да муро-влакын авторжо мут оргаж веле огыл. Колыштын шарналтет шере пагытетымат, кочыжымат.
Лишыл жапыште, 24 мартыште, В. Корчемкина муро концертшым Йошкар-Олаште, Марий самырык театрыште, эртараш палемден. Шкетын огыл, а мужыр пелашыж дене...
«Ынде икшывына-влак мыняр-гынат кушкыныт, концерт нергенат шоналташ сулык огыл, - манеш тудо. - Шукерте огыл Самырык театрыш У Торъял школын тунемшыже-влак дене пырля спектакль ончаш толынна ыле (Вероника кызыт туныктышылан пашам ышта). Режиссер Олег Геннадьевич Иркабаев ужынат, мылам ойла: «Авторский концертетым мемнан театрыште эртараш от шоно? Сценым пуэна».
Концертым «Кавасе йєратымаш» манын лўмденна. Тыгаяк лўман у мурына шукерте огыл шочын. Слава пелашем семым возен, мый – мутшым».
Такше кунам ешыште вате-марий коктынат творчествым умылышо улыт - саяк. В.Корчемкинан Слава пелашыжат мурым воза. Эше «политехыште» тунеммыж годымак «Тонус» эстрада группым чумырен ыле. Мурыжо-влак всесоюзный радио денат йо‰галтыныт…
Тиде творчество шўлышан мужырын концертыштыже шуко калыкым ужмо шуэш.
Ю.ГРИГОРЬЕВ
«Марий Эл» газет, 2005 ий 23 февраль.